ብዛዕባና

ምምሃርን (learning) ዓውደመጽናዕትን (workshop) ፍወሳን (therapy) ዝብል ሓሳብ: ኣብ መጀመርያ 2022 ዝነቐለ ኢዩ ነይሩ:: ኣብቲ አዋን'ቲ ኩነታት ናይ ኤርትራውያን: ብፍላይ ከኣ ኣብ ወጻኢ ዝቅመጡ: ብተደጋጋሚ ኣብ ዘንጸላልወሉ ዝነበረ ናይ ኣእምሮ ረበሻ: ኣብ ኩሉ መራኸቢ ብዙሃን ይዝረበሉ ነይሩ ኢዩ:: ካብኡ ተመርኲስና ድማ ነዚ ዝስዕብ ዕላማ ወይ ከኣ ራኢ ሒዝና ቀሪብና ኣለና:-

1. ባና ማአከል ጥዕና ኣእምሮ ዝብል ወብሳይት (website) ተዳልዩ: እቶም ተገልገልቲ ድማ: ኩሎም ትግርኛ ተዛረብቲ: ኣብ ኩሉ ክፍልታት ዓለም ዝርከቡ ክኾኑ ንመርጽ::
2. እቲ ቀንዲ ኣተኩሮና: ንቕሓት (awareness) ምፍጣር ኢዩ:: ምኽንያቱ እቲ ቀንድን መሰረታውን ዝኾነ ለውጢ ኣብ ህዝቢ ክመጽእ ዝኽእል: ናይ ኣእምሮ ንቕሓት ምስ ዝህሉ ጥራይ ኢዩ::
3. እቲ ትሕዝቶ ናይ ባና ወብሳይት ብምሉኡ: ብቋንቋ ትግርኛ ክዳሎ ተወሲኑ ኣሎ:: ከምኡ ክግበር ዝተደልየሉ ምኽንያት ድማ: ናይ ኣእምሮ ንቕሓት ክፍጠር አንተ ድኣ ኮይኑ: ብናይ ኣደ ቋንቋ ክቐርብ ከሎ አዩ ዝያዳ ኣድማዒ ዝኸውን::

ባና ወብሳይት ፈጠርትን ነደፍትን: 

• በረኸት እስቲፋኖስን ሳብሪና ሳህለን

ከምኡ 'ውን ልዑል ኣበርክቶ:

• ፊቢ ኢዮብ
• ኣማኑኤል ሳህለ
• ንጽህቲ ገብረወልድ